पोखराः शनिबारको २ महत्वपुर्ण खेलमा चितवनले जनकपुर र काठमाण्डौंले पोखरालाई हराएपछि जारी नेपाल प्रिमियर लीग (एनपीएल)मा बलियो मानिएको पोखरा एभेन्जर्स प्ले अफको होडबाट बाहिरिएको छ । पोखरासँगै विराटनगर किंग्स पनि बाँकी खेल नखेल्दै बाहिरिएकाे छ । यस्तै लुम्बिनी लायन्स यसअघि नै लिग चरणबाट बाहिरिसकेको छ ।
अब प्लेअफको बाँकी तीन स्थानका लागि चार टिम होडमा छन् ।आइतबार काठमान्डु र विराटनगर तथा सुदूरपश्चिम र पोखराबीच खेल हुनेछ ।
काठमान्डुलाई प्लेअफ पुग्न अन्तिम खेल आफूअनुकुल जित्नैपर्ने बाध्यता छ । काठमान्डु विराटनगरसँग पराजित भएका भने सुदूरपश्चिम, कर्णाली र चितवन प्लेअफ पुग्नेछ ।
जनकपुरले लिग चरणको ७ खेल नै खेलिसकेको छ । जसमा ५ जित र २ हारको नतिजा निकालेको जनकपुर १० अंकसहित शीर्ष स्थानमा छ । जनकपुर शीर्ष दुईमा रहने वा नरहने भन्ने कुरा सुदूरपश्चिमको बाँकी दुई खेलपछि टुङ्गो लाग्नेछ ।
