पोखराः भारतको नयाँ दिल्लीबाट पोखरा अन्तर्राष्ट्रिय विमानस्थलमा पहिलोपटक ओर्लिएको जहाज आज बंगलादेश उड्ने तयारीमा रहेको छ ।
युरोपेली कम्पनी जेल एयरको सिंगल इन्जिन निजी जेट विमान बिहीबार पोखरा आएको हो ।
पोखरा अन्तर्राष्ट्रिय विमानस्थलकी प्रवक्ता जशोदा सुवेदीका अनुसार चालक दलका सदस्यसहित ४ यात्रु लिएर विमान बिहीबार साँझ पौने ६ बजे बजे पोखरा विमानस्थलमा उत्रेको थियो ।
पोखराबाट भारत उडानको हवाइ रुट खुलाउन पर्यटन व्यवसायीहरुले सरकारलाई निरन्तर दबाब दिइरहेका छन् । तर भारतबाट आएको जहाजले भने आगामी दिनमा उडान तय गर्न खासै सहयोग गर्नेछैन । प्रवक्ता जोशीकाअनुसार यो उडान नितान्त निजी हो ।
हालसम्म पोखरामा चीन, भुटान र भारतबाट विमान पोखरा आइसकेका छन् ।
