साफ महिला च्याम्पियनसिपमा आज भएको खेलमा गोल मेसिनको नामले परिचित साबित्रा भण्डारी ‘ साम्बा’ को अभाब महसुस भएको छ ।
उनी आबद्द क्लबले रिलिज नगरेका कारण सावित्राले यो खेल गुमाएकी हुन् ।
नेपालले पाएको थुप्रै अवसरहरु लाई गोलमा परिणत गर्न नसक्दा भुटानसँग बराबरीमा रोकिन परेको छ ।
काठमाडौको दशरथ रंगशालामा शुक्रबार सम्पन्न खेलमा नेपाल र भुटानले गोल रहित बराबरी खेल्दै अंक बाडेको हो ।
यो बराबरीपछि समुह बी मा नेपाल र भुटानले एक एक अंक हासिल गरेका छन् ।
अब नेपालले अर्को खेल सोमबार माल्दिभ्सविरुद्ध खेल्ने छ भने भुटानले सोमबार नै श्रीलंकाको सामना गर्ने छ ।
समुह बी अन्तरगतको आज नै भएको खेलमा श्रीलंकाले माल्दिभ्सलाई १-० ले पराजित गर्दै ३ अंक बटुलेको छ ।
